Вие сте на официјалниот портал на Радио Кочани.
Изградба на нови и реконструкција на постоечки вкупно 10 улици во општина Зрновци во висина од околу 3, 5 милиони денари средства од сопствен буџет.
На 29-та редовна седница на Советот на општина Зрновци одржана на 18.08.2023 година едногласно од страна на Советот на Општина Зрновци беше донесена одлука за изградба и реконструкција на следните улици во трите населени места во општина Зрновци :
Изградба на нова улица во село Видовиште покрај Видовишка река со вкупна должина од 180м. и ширина 2м.Изградба на нова улица во село Мородвис покрај Морошка река, со вкупна должина од 160м. и ширина 3м, со два броја решетки од по 3м за атмосверска канализација.Изградба и Асфалтирање во село Мородвис на простор пред училиште „Синиша Стоилов“ паралелно со регионалниот пат со површина од 200м2.Изградба на нова сервисна улица во село Зрновци од ул.Скопска до обиколница Зрновци-Мородвис, со вкупна должина од 170м и ширина 3м., со уредување и тампонирање на паркинг простор со површина од 800м2.Изградба на нова улица во село Зрновци крак 1 од ул.Скопска со должина од 70м и ширина од 2,5м.Изградба во село Зрновци на Крак 4 од ул.Илинденска,со вкупна должина од 30м и ширина од 3м.Реконструкција во село Зрновци на дел од ул.Скопска од ул.Илинденска во должина од 204м и ширина 3м.Реконструкција во село Зрновци на два крака на ул.Аспарух Манев, со вкупна должина 200м и ширина 3,5м.Рекострукција во село Зрновци на Крак 3 од ул.Илинденска на КП бр.5121 со должина од 40м и ширина од 3м.По завршување на постапка за избор на економски оператор и потпишување на договорите, со започнување на градежните активности започнуваме крајот на месец Септември.
Инаку Општина Зрновци има аплицирано и за проект со финансиска конструкција од 439 445 евра, за промена на секундарната водоводна мрежа. Од Министерството за животна средина и просторно планирање веќе се распределени средства во висина од 396 142 евра, за подобрување на водоводната инфраструктура. Реализацијата ќе започне во Април 2024 година.