Вие сте на официјалниот портал на Радио Кочани.
Борчо Коцев – Безбедноста во сообраќајот на сите учесници, граѓани и посетители во општина Зрновци е во фокусот на нашето внимание…
Сверни сообраќајни огледала на петте најкритични места, регулатори на брзина на движење како и сообраќајни знаци согласно режимот на сообраќај за улица “Генерал Апостолски” во Зрновци поставени во текот на вчерашниот ден .
Општина Зрновци иако најмала во регионот е општина која што е најпосетена, особено во летниот период, заради својата уреденост, природна свежина и прекрасните угостителски локали покрај Зрновска река.
Парк и плоштад кој што е полн со дечиња во вечерните часови, а огромен број на пешаци се движат по уредените улици и тротоари покрај самиот кеј на река Зрновка.
Заради нивна безбедност и несакани настани предизвикани од моторни возила воспоставен е сообраќаен режим на улицата “Генерал Апостолски” која што се протега од плоштад Св. Димитрија до мост кај Соколана, односно согласно сообраќаен проект, позитивно мислење од СВР Штип и решение од Градоначалникот на општина Зрновци, споменатата улица во месеците за време на летниот распуст на учениците, Јуни, Јули и Август во период од 17:00 до 05:00 часот е затворена за сообраќај за моторни возила.
Апелирам и повикувам на почитување на режимот за сообраќај, како би сите заедно учествуваме во зголемување на безбедноста во сообраќајот.
Изјави за Радио Кочни градоначалникот Борчо Коцев.