Вие сте на официјалниот портал на Радио Кочани.
На стадионот „Никола Мантов“ во Кочани денеска се одржаа „Плазма“ Спортските игри на младите, на кои учествуваа над 1000 дечиња од градот и регионот.
Кочани е четвртиот град домаќин на „Денот на спортот“, манифестација која е дел од една од најголемите аматерски спортски платформи во Европа, со традиција подолга од 30 години, а годинава за првпат се организира и во Македонија.
На свеченото отворање присуствуваа претседателката на Федерацијата на училишен спорт на Македонија, Елена Мицковска, која е носител на проектот, градоначалникот Владко Грозданов, како и бројни познати спортски имиња.
Главната цел на Спортските игри на младите е промоција на бесплатен спорт за секое дете, поттикнување на здрав и активен начин на живот, развој на здрави навики, негување на фер-плејот, создавање нови пријателства и градење вистински вредности кај младите.