Вие сте на официјалниот портал на Радио Кочани.
Со Утрена и Света Архиерејска Литургија и со голем собир и годинава се планира да биде одбележан празникот Источен петок Балаклија на манастирот „Добра вода“ во Оризари.
Највено е присуство на Митрополитот Брегалнички Иларион.
Исто така и денеска 16 април, четврток со почеток во 17 часот ќе се одржи Вечерна Богослужба.
Првиот петок по Велигден секоја година во овој манастир се собираат голем број верници и се организира голем црковен собир.
Со манастирски ручек ќе биде одбележан и овој празник посветен на Мајката Божја.
Домаќините на манастирот ги прават последните подготовки околу славата.
Инаку, освен на овој ден, на манастирот Добра вода кај Оризари слава има и на втор ден Божиќ кога и на тој ден се собираат голем број верници.
Црковниот одбор информираше и за тековните активности кои се реализираат.
Последниот период интезивно се работеше во Манастирскиот комплекс и се реализираа голем дел од проектите. Се доканализира долот со поставување на бетонските прстени и се пристапи на интензивно полнење,рамнење и проширување на манастирскиот двор.
Се постави надворешната и внатрешната водоводна и канализационата мрежа во новата кујна.Се постави електичната инсталација,се измачка со малтер и се вароса внатрешниот дел од новата кујна.Се донесоа и се поставија нови клупи за седење.Продуктивен месец со голем ентузијам,позитивна енергија и многу работа од страна на сите учесници.Огромна благодарност до сите учесници, помагатели и донатори.
Со Господ Бог напред се движеме кон конечното оформување на Манастирскиот комплекс
Со празникот посветен на Пресвета Богородица и се оддава признание на Мајката Божја, по што манастирот го носи нејзиното име.
Се верува дека водата во овој манастир е лековита.
