Вие сте на официјалниот портал на Радио Кочани.
Компанија „Моневи“, вчеравечер во ресторанот „Аква“, одбележа 20 години од своето основање, истакнувајќи значаен јубилеј во своето постоење.
На свеченоста присуствуваа бројни партнери, клиенти, како и пријатели на компанијата, кои се дел од нејзиниот раст и развој.
Основана е во 2004 година во Кочани, „Моневи“ започна со мала продавница, а денес е една од најуспешните и најпочитуваните фирми на кочанскиот пазар.
Преку постојано вложување во иновации, напредна технологија и високи стандарди за квалитет, компанијата успеа да изгради силен бренд, познат не само во градот, туку и пошироко.
Во текот на изминатите две децении, „Моневи“ успеа да реализира бројни успешни проекти и да воспостави долгорочни партнерства со големи компании.
Одбележувањето на 20 години од основањето на „Моневи“ е потврда за вложениот труд, посветеност и стручност, кои ја направија оваа компанија лидер во својата област.
За иднината, компанијата гледа оптимистички и продолжува да поставува нови цели за раст и иновации, со цел да го задржи својот водечки статус во индустријата.