Вие сте на официјалниот портал на Радио Кочани.
Преписот на чудотворната икона на Пресвета Богородица Троеручица од Света Гора веќе е дел од храмот „Свети Димитриј“ во штипско Ново Село, каде во изминатите денови пристигнуваат бројни верници за да се поклонат и помолат.
Станува збор за една од најпочитуваните православни светињи, а нејзиното присуство во Штип се смета за настан од особено духовно значење за градот и целиот источен регион. Верниците пред иконата упатуваат молитви за здравје, семејна среќа и благослов, додека свештенството посочува дека таа ќе остане траен духовен дар за храмот.
Со поставувањето на преписот на Троеручица, храмот „Свети Димитриј“ добива уште поголемо значење за православните христијани, а се очекува во наредниот период да го посетуваат верници од повеќе градови во земјата.
Инаку, иконата на Пресвета Богородица Троеручица во Штип пристигна на 6 јуни, кога беше пречекана со свечена литија и голем број верници, по што беше пренесена во храмот „Свети Димитриј“ во Ново Село.