Креативни новогодишни работилници во ОУ „Раде Кратовче“

Денеска во ОУ „Раде Кратовче“ се реализираше работилницата „Новогодишна бајка во боја“, на која учениците работеа во различни ликовни техники.

Изработените цртежи ќе се користат за украсување на училиштето, а дел од нив ќе бидат изложени и продавани на Новогодишниот базар што ќе се одржи на 25 овој месец.

Во училишната сала се одржа и новогодишната работилница „Рацете творат, срцата спојуваат“, на која учествуваа ученици и наставници, со значителна поддршка и голем одзив од родителите преку Советот на родители при училиштето.

Настанот помина во пријатна и работна атмосфера.

Средствата собрани од продажбата на производите на Новогодишниот базар ќе бидат наменети за потребите на училиштето.