Гордост за Кочани! – Кочанскиот деветоодделенец Владимир Грчев го донесе златото дома

Гордост за Кочани! Кочанскиот деветоодделенец Владимир Грчев го донесе златото дома, освојувајќи го првото место на 29-тата Македонска (Јуниорска) Олимпијада по информатика, која се одржа на 16 и 17 април во просториите на ФИНКИ – Факултет за информатички науки и компјутерско инженерство.

Овој блескав успех не доаѓа случајно. Владимир и досега редеше успеси, освојувајќи бројни награди и медали на разни натпревари, но токму овој златен медал е негово највисоко достигнување досега – резултат на години труд, посветеност и љубов кон информатиката.

Ова е голем ден не само за Владимир и неговото семејство, туку и за и целиот наш град. Вистински пример за тоа како со упорност, страст и поддршка, младите умови можат да достигнат врвни резултати.

Честитки, Владимир – горди сме на тебе!