Вие сте на официјалниот портал на Радио Кочани.
Утре во просториите на библиотеката „Искра“, со почеток во 12 часот ќе биде промовирана монографијата „60 години ЛК Копнеж“ од авторите Кристина Ѓорѓиевска Атанасова, Аника Илијевска Ѓорѓиева и Славица Цветкова.
Со издавањето на монографијата ја одбележуваме шеесетгодишнината од неговото формирање, јубилеј достоен за почит. Со издавањето на монографијата како сведок на шестдецениското постоење, изразуваме огромна благодарност кон сите досегашни членови, претседатели, раководители и сите кои со својот ентузијазам и ангажирање, поддршка и поттик, придонесоа овој книжевен клуб да стане познат и признат културен субјект во Кочани и пошироко, истакнаа од кочанската библиотека.