Пожарникарите доброволци и денеска во акција – Делеа флаeри за пожари на отворено

Подобро да се превенира, отколку да се интервенира. Токму водени од ова мото, во склоп на превентивните активности, ДПД Кочани денес спроведе активност за информирање и предупредување на граѓаните за опасноста од пожари на отворено.

Во соработка со ОВР Кочани и ДЗС денес (16 јули 2023г.) беше спроведена акција за поделба на флаери кои содржат информации што се пожари на отворено, како да се избегнат, односно доколку веќе настанат како да се реагира.

Притоа им беше поделена и флаширана вода на којашто исто така имаше порака како да се однесуваме во природа.

Од страна на ДПД Кочани во оваа акција беа вклучени тројца наши членови и едно возило во временски период од 9 до 11 часот на локацијата викана Белска кривина која се наоѓа на потегот кон Осоговските планини.