Вие сте на официјалниот портал на Радио Кочани.
Чест и задоволство ми беше денес да ги примам учениците и нивните ментори, кои врз основа на нивното залагање и постигнати резултати се закитија со освоени места на државни натпревари.
Целосно и одговорно ќе се залагаме да ги мотивираме младите да се изградат во едуцирани, силни и зрели кадри, кои ќе ја понесат иднината, зошто младите се нашата иднина, вели во фејзбук објава, Миле Петков, градоначалник на Општина Виница.
Јас лично и Општина Виница се гордееме со ваквите примери кои оставаа добар белег како за нивното училиште така и за нашата Општина. Во чест на тоа одлучивме од оваа година во рамки на подршка во делот на образованието да им доделиме пофалници и вредносни ваучери.
Од срце им посакувам уште многу успеси и искрено се надевам дека со нивните примери ќе мотивираат уште многу генерации и ќе бележат уште поголеми успеси, нагласува Петков.
Пофалници и вредносни ваучери се доделени на следниве ученици и нивни ментори:
1. Андреј Тодоров за освоено прво место на државен натпревар по биологија, под менторство на проф. Елида Анѓелова
2. Надица Јорданова за освоено трето место на државен натпревар по биологија, под менторство на проф. Емилија Костадинова Тасева
3. Андреа Јованова, Нина Ѓорѓиевска, Виктор Анастасов и Давид Ефремов, за освоено прво место на државен натпревар на бендови, под менторство на проф. Гоце Данилов
4. Тамара Димитрова за освоено трето место на државен натпревар по географија под менторство на наставник Марија Трајчевска
5. Нена Гугушовска за освоено трето место на државен натпревар по природни науки под менторство на наставник Тања Данилова
