Опожарена куќа на улица „Стамен Манов“ во Кочани

Денеска oколу 10  часот во ТППЕ  кочани  е пријавено дека  на улица „Стамен Манов“ во Кочани настанал пожар на куќа  при што опожарена била кровната конструкција.

Со брза интервенција на пожарникарите од територијалната противпожарна единица кои пристигнале со 3 возила и 6 професионални пожарникари до 12 часот пожарот бил локализиран.

Според првичните сознанија нема повредeни ниту настрaдани лица, но направена е голема материјална штета.

Увид на местото на настанот направила екипа од ОВР Кочани , а според првичните сознанија најверјатно причина за пожарот  бил дефект во електричната инсталација.

Д.Михајлов