Тимот „MakBot Pioneers“ подготвени  за светското првенство по роботика во Маракеш-Мароко.

Тимот „MakBot Pioneers“ подготвени  за светското првенство по роботика ,кое од 18-21 Мај ,ќе се одржи во Маракеш-Мароко.

Од СОУ „ Гошо Викентиев„ изразија голема благодарност до сите оние кои допринесоа да се реализира ова патување и да се оствари еден детски сон – да се застане рамо до рамо со натпреварувачи од цел свет , да се прифати овој предизвик да се покаже упорност, способност , знаење и амбиција.

Посебна благодарност до Општина Кочани за нивната финансиска поддршка и до сите фирми кои ни излегоа во пресрет и помогнаа да се соберат средства за овој натпревар.

Голема благодарност и до сите наши сограѓани кои исто така донираа и несебично се заложија и дадоа свој придонес и веруваа во нас.

Радио Кочани на тимот „MakBot Pioneers“ од СОУ „Гошо Викентиев“ му посакува многу среќа и успех на натпреварот и ќе се обиде да ве информира за случувањата во Мароко.