Вие сте на официјалниот портал на Радио Кочани.
Компанијата Макпрогрес освои престижна награда Дигитален шампион од Инвестицискиот форум на шест комори на Западен Балкан (wb6cif.eu) во конкуренција на компании од државите од Западен Балкан. Доделувањето на наградите беше вчера (29.03.2023) во хотелот Александар Палас во присуство на претседателите на коморите, претставници од наградените и гости. Свеченоста беше проследена со пригодна забавна програма и беше можност да се сретнат регионалните предводници на бизнисот. Наградата се доделува во време на една општа потреба од дигитализација на производните и бизнис процесите. Со неа Макпрогрес уште еднаш докажува дека има намера да биде предводник на новото време преку дигитална трансформација на работењето со цел подобрување на ефикасноста, како и подобрување на условите за работа на вработените во компанијата. Наградата во името на компанијата ја прими Ацо Лазаров, ИТ менаџер во компанијата задолжен за дигитализација, придружуван од Извршниот директор на компанијата Глигор Цветанов.