Вие сте на официјалниот портал на Радио Кочани.
Остатоци од градежни материјали, земја, камен и друг отпаден материјал е исфрлен (најверојатно со трактор) денеска на пристапниот пат до петнаесетина бавчи, овоштарници и друг земјоделски имот кој се наоѓа лево од патниот правец Кочани – Грдовци, веднаш до стопанскиот двор на некогашна Електродистрибуција.
Со отпаден материјал покриени се и шахтите од одводот кој води до пречистителната станица во Мојанци.
Реагираа луѓе што имаат имоти и објекти таму, што инвестирале во тие имоти, а сега не можат со возило да стигнат до таму, да си ги завршат обврските.
Испратија фотографии до Радио Кочани. Намерата им е, како што ни рекоа, да посочат на јавашлукот, на неодговорноста на поединици или на групи што прават што сакаат и како сакаат, при тоа не водејќи грижа дали некому ќе наштетат…
