Вие сте на официјалниот портал на Радио Кочани.
Во Зрновци во тек е постапката за легализација на бесправно изградените објекти
Локалната самоуправа на Зрновци ги потсетува своите жители дека во тек е постапката за легализација на бесправно изградените објекти.
Градоначалникот на општината, Ванчо Митев за Радио Кочани вели:
Во тек е последна можност, за сите граѓани, кои имаат поднесено барање за легализација, до Општина Зрновци, а чија постапка е во прекин, да ја искористат законската можност, за нивно комплетирање и решавање.Законот за постапување со бесправно изградени објекти, важи заклучно со 03.03.2026 година.Се повикуваат, сите засегнати лица, навремено, да се обратат во Општина Зрновци, да се информираат за статусот на своето барање и да ја достават потребната дополнителна документација.Во спротивно, доколку барањата не бидат навремено дополнети, истите ќе бидат одбиени, согласно законските одредби.Лице за контакт: Методи Николов