Вие сте на официјалниот портал на Радио Кочани.
Со години, во домот на овој човек нема електрична енергија.
Единствен извор на светлина и топлина е старо шпоретче на дрва.
Иако е болен, секојдневно оди по планината, собира дрва и сам ги носи до куќата, само за да може да се загрее во студените зимски денови.
Куќата во која живее е во исклучително лоша состојба. Ѕидовите се дотраени, покривот е нестабилен, а просторот не обезбедува соодветна заштита од дожд, студ и ветер.
Условите за хигиена се минимални, а средствата за живот – речиси непостоечки.
Без постојани приходи и без поддршка, овој човек секојдневно се соочува со сиромаштија и неизвесност.
Храната и лековите често недостигаат, а нарушената здравствена состојба дополнително ја отежнува борбата за опстанок.
Ова е само еден од многуте примери на социјална ранливост што сè уште постојат во нашата заедница.
Се повикуваат надлежните институции да преземат итни и конкретни чекори за решавање на овој случај, а хуманите граѓани, доколку се во можност, да помогнат со донации и поддршка, со цел да се обезбедат основните услови за достоинствен живот.
