Советот на Општина Кочани го одржа продолжението на 61. седница

На продолжението на 61. вонредна седница што Советот на Општина Кочани го одржа денеска, беше донесен заклучок за задолжување на КЈП „Водовод“ в четврток, 20 март 2025 година да не организира пазарен ден, поради трагичниот настан од 16 март 2025 година.

Советот донесе одлука со која се одобрува користење финансиски средства во износ од 3 милиони денари од Буџетот на Општина Кочани за 2025 година, за помош на семејствата кои имаат починати лица и лица повредени во пожарот во дискотека „Пулс“.

Шеесет и првата седница Советот ја започна на 16 март 2025 година, кога поради трагедијата во дискотеката „Пулс“ донесе одлука за прогласување седумдневна жалост на подрачјето на општина Кочани.