Вие сте на официјалниот портал на Радио Кочани.
Со благослов на свештеникот Илчо Миленковски оваа година за прв пат ќе има Бадникова поворка во Грдовци.
Со макета на Витлеемската пештера која ја симболизира пештерата во која се родил Исус Христос, ѕвезди што ја симболизираат ѕвездата која ги водела тројцата мудреци до местото каде што бил роден Исус и пеејќи ја христијанската коледарска песна „Вечниот Бог“, децата од Грдовци, на кои им се приклучија неколку деца од Општината Зрновци и селата Мојанци и Горни Подлог, како дел од Бадниковата поворка ќе го наговестуваат раѓањето Христово.
Од организациониот и Црковниот одбор, дечињата ќе добијат пакетчиња и други пригодни награди. Малите коледарчиња кои се симбол на ангелите што ја носат веста за Христовото раѓање, на 6-ти јануари ќе тргнат од црквата Света Троица во 10:00часот.
Поворката ќе се движи по улиците низ селото, ќе се движи до манастирот Свети Дух, потоа до манастирот Света Петка, па по улицата која води кон Мојанци и ќе заврши во црквата Света Троица.
