Иницијативниот Одбор на ЛДП: Демократија и самостоен настап за ЛДП

Иницијативниот одбор за демократизација на Либерално-Демократска партија денес во Кочани одржа трибина со претседателите, советниците и членовите на општинските организации на ЛДП од изборна единица број 3 и 4 на тема “Проблемите и предизвиците со кои се соочуваат Општински организации и членовите на ЛДП”.

Заборавени и игнорирани од раководство на ЛДП Општински организации од истокот се разочарани од недемократскиот однос и капацитет, притисоците, заканите и манипулациите на раководството на ЛДП.

Во партијата нема никаква транспарентност, отчетност, демократичност, почитување на право, статутот и легалистичкиот пристап, веќе нема ни Л од либерализам, се гуши правото на сопствено мислење, односно се погазени и уништени сите вредности кои преставуваа карактеристика на ЛДП и претставуваа вредности со кои сите ние како членови се гордеевме. Денес, во ЛДП се распуштаат Општински организации кои се спротивставуваат на политиките на неколкумина кои поради личен интерес ја држат ЛДП во заложништво, се формираат фиктивни општински организации со фингирани Собранија без да се информира целокупното членство, се заплашуваат членовите и им се врши притисок да го напуштат Иницијативниот одбор.

Но на нивна жал и за среќа на демократијата во ЛДП до денес, ниту една општинска организација од 22 потпишани не се откажува од иницијативата и продолжуваат со своите активности за ослободување на ЛДП од група на луѓе кои ја држат во заложништво целата партија.

Уште еднаш апелираме до раководството да се откажат од идеите за предизборни коалиции за локалните избори, да не го манипулираат членството дека веќе имаат некакви договори и итно да започнат со подготовки за самостоен настап на ЛДП.

Партијата не е на распродажба и таквиот пазарџиски однос на раководството кое ги гледа само сопствените интереси а не партиските, ЛДП ќе ја однесе на буништето на политичката сцена.

Иницијативниот одбор нема да прифати и поддржи никаков предизборен договор со било која партија.

Партијата мора да се подготвува за самостоен настап…