Вие сте на официјалниот портал на Радио Кочани.
Велигденска честитка од градоначалникот на Општина Кочани, Љупчо Папазов
По повод големиот христијански празник Велигден, градоначалникот на Општина Кочани, Љупчо Папазов до верниците од православната вероисповед упати честитка, во која стои:
„Почитувани сограѓани,
Во пресрет на најголемиот христијански празник Велигден, дозволете ми да Ви го честитам Вам, на сите православни верници и да Ви посакам Христова љубов, здравје и спокој во секој дом.
Празнувајќи го Христовото воскресение ја славиме безусловната љубов и мирот меѓу сите луѓе на светот, ја чуваме нашата традиција, нашето духовно културно наследство, затоа да се радуваме заедно со радоста велигденска и сплотенo да го прославиме со најблиските и семејството.
Нека Ви е честит и вековит Велигден!“