Вие сте на официјалниот портал на Радио Кочани.
„Јас немам машинерија зад мене, нашата кампања е скромна и нашата машинерија е народот, тоа ми го кажуваат обични луѓе. Штом можам без обезбедување, слободно да се прошетам во градовите низ државата, тоа ми е најважно, а другите нека се препукуваат и на секој митинг, како стрини преку плот, си кажуваат неубави работи. Мене и таквите како мене, ме игнорираат, но и јас се однесувам така, освен што ги предизвикувам и им фрлам ракавица, да повелат јавно, МТВ ни ги отвори студијата за да се соочиме до крајот на кампањата“, рече вчера во Кочани претседателскиот кандидат на „Левица“, Билјана Ванковска.
Според Ванковска, на непосредните средби што ги има со граѓаните го претставува она што може да се каже кога со некого се разговара очи в очи и е дел од предизборната програма. Истовремено, таа потенцираше дека е срам за овој предизборен процес отсуството на соочување на кандидатите за претседател.