Вие сте на официјалниот портал на Радио Кочани.
Традиционално, вечерта пред Бадник, православните верниците кај нас палат бадникарски дрва.
Притоа се пеат песни, се игра и се пие греана ракија. На тој начин, се верува, дека се „бркаат“ лошите духови од земјата.
Бадникарскиот оган го симболизира загревањето на пештерата кај Витлеем во која се родил Исус.
Коледарски оган синоќа имаше на улицата „Јордан Зафиров“ каде се собраа жителите од оваа и од соседната улица „Димитрија Лазаров“ во населбата „Варница“.
Според традицијата се делеше лепче со паричка. Најмногу среќа имаше Кристина Атанасова, така што кумството од семејството Досеви премина кај Атанасови.
Забавата на жителите од двете улици во населбата „Варница“ заврши со музика во живо…
