Вие сте на официјалниот портал на Радио Кочани.
ООУ „Климент Охридски“ од Облешево со пригодна манифестација и обраќање на в.д. директорот на училиштето, Јорданче Костадинов, го заврши овогодишното чествување на парониот празник и активностите што по тој повод беа реализирани во текот на изминативе денови.
На крајот од одбележувањето на празникот, учениците во преполната школска сала се претставија со музички и актерски точки. Истовремено, беа поделени награди за најуспешните на организираните спортски натпревари, на кои првото место го освоија учениците од гостинската екипа на ООУ „Страшо Пинџур“ од селото Соколарци.
Исто така беа поделени благодарници за учесниците во ликовната колонија и изложени преубавите уметнички дела.
Во поздравниот говор, директорот на ООУ „Климент Охридски“, Костадинов, зборуваше за најновите реализирани проекти и за идните планови за подобрување на условите за успешна реализација на воспитно образовната работа.
