Првороденото во 2019 – женско, годината ќе биде родна

04 Јан 2019
882 пати

На 1 јануари 2019 година, на Акушерското одделение во Кочани, во две породувања се родија две девојчиња.

Првото новороденче во 2019 година е трета рожба на мајката Елсида Шакирова од Кочани. Родено е малку по полноќ, а истата ноќ на свет дошло уште едно женско бебе на семејство од селото Дулица, Македонска Каменица.

– По подолг период се случи во еден ден да имаме две породувања, па се надеваме оваа година дека ќе биде подобра во однос на минатата. Лани регистриравме 170 раѓања – соопшти д-р Фонзи Јуруков, раководител на Акушерското одделение во Кочани.

Првите новороденчиња ги посети и градоначалникот на Кочани, Николчо Илијев, кој им врачи подароци и им посака здравје и среќа во животот.

Раководството на кочанската Општа болница, со поддршка од локалната самоуправа и градоначалникот Илијев настојува да ги подобри кадровските, техничките и материјалните услови на Акушерското одделение, со цел да ги задржи пациентките со квалитетни здравствени услуги.
Според директорот Александар Серафимов екипираноста е одлична со тоа што оваа болница е една од ретките во државава со четворица специјалисти по гинекологија.

Оценете ја оваа вест
(0 гласови)

ОПШТИ ОДРЕДБИ

Радио Кочани ФМ емитува сопствена програма, која според одредбите од Правилникот за форматите од радио и телевизиските програмски сервиси (застапеност на говорниот дел) спаѓа во редот на говорно-музичко радио со претежно информативен општ формат.