Гудачкиот квартет „Вива стрингс“ со концерт во Кочани

27 Ное 2018
137 пати

В понеделник, на 3 декември, со почеток во 19 часот, во рестoранот „Амор“ во Кочани, квартетот „Вива стрингс“

ќе одржи концерт со специјално подготвена програма со обработки на популарни рок, соул, фанк, рап и џез теми. Публиката ќе има можност да проследи обработки на хитови од: АББА, Мајкл Џексон, Стинг, Квин, Ренси Крафорд, Ерик Клептон и други музички ѕвезди...
Гудачкиот квартет „Вива Стрингс“ претставува класичен камерен состав од две виолини, виола и виолончело. Оформен е во 2011 година, а неговите членови се во постојана потрага по алтернативен простор за сопствен израз и афирмација на камерното музицирање, класичната музика и квалитетната уметност на пошироката публика. Членовите на „Вива стрингс“, виолинистите Елена Талевска и Симон Поповски, виолистката Дубравка Зајкова и челистот Дејан Теодосиевски се академски музичари вработени во Македонската филхармонија, а тројца од нив се членови на Камерниот оркестар на Македонската филхармонија.
Покровител на настанот е Министерството за култура на Р Македонија, преку проектот „Нов културен бран“, а реализацијата е со поддршка од Општина Кочани. Влезот е слободен.

Оценете ја оваа вест
(0 гласови)

ОПШТИ ОДРЕДБИ

Радио Кочани ФМ емитува сопствена програма, која според одредбите од Правилникот за форматите од радио и телевизиските програмски сервиси (застапеност на говорниот дел) спаѓа во редот на говорно-музичко радио со претежно информативен општ формат.