Виница – Првите девет ромски семејства можат да се вселат во реновираните куќи

16 Окт 2020
531 пати

Првите девет ромски семејства во Општина Виница ќе се вселат во нивните домови, обновени и со сосема

поразлични и поквалитетни услови во нив од претходно.
Веќе е поставен ламинат во деветте куќи и овие семејства во секој момент можат да се сместат. Останува да се заврши фасадата на куќите, но приоритет беше семејствата да се сместат пред значително да паднат температурите.

kuka.jpg
Овие девет семејства се дел од вкупната бројка на 22 семејства чии куќи ќе бидат реновирани. Приоритет за реновирање добија семејствата чии куќи беа во најлоша состојба.
Покрај овие активности, на почетокот на ноември се очекува да започнат и инфраструктурните активности во ромската населба, Блок 18, во Виница.
До крајот на оваа година предвидено е во ромската населбаво Виница да започне изработката и донесувањето на ДУП за населбата, изградба на споредни улици, изведување на фекална канализација во должина од 750 метри, изградба на потпорни и заштитни зидови, осветлување на неосветлени улици и поставување на контејнери за соодветно складирање на отпад со севкупно подобрување на квалитетот на животната средина.

pod.jpg

Овие градежни активности се спроведуваат во рамките на проектот „Обезбедување на пристојни услови за домување за ромската заедница во општината Виница - СДХ Виница“. Проектот го имплементираат ЧЕЛИМ од Милано - Италија, Ромскиот ресурсен центар од Скопје и Општина Виница.
Проектот е финансиран од страна на ЕУ во соработка со МТСП на РСМ.

Оценете ја оваа вест
(0 гласови)