Ученици од Крижевци на зимување на Пониква

06 Фев 2020
264 пати

Осуммина ученици од Основното училиште „Владимир Назор“ од Крижевци, Република

Хрватска, со наставничката по физичка и здравствена култура, Ксенија Крањчец од 1 до 8 февруари зимуваат на Пониква, Осоговски Планини.
Гостите од Крижевци се сместени во хотелот „Осоговски бисер“ и велат дека уживаат во планинските убавини.
– Многу ни е убаво. Секоја година доаѓа по едно од двете училишта во Крижевци на зимување на Пониква. Еве, овојпат ние сме на ред, децата се воодушевени, секој ден пешачиме по 6 – 8 км, ги проучуваме шумските патеки, па можеме на следните генерации да им пренесеме дека овде е убаво – изјави Ксенија Крањчец, наставник по физичка и здравствена култура во крижевското училиште.
Хрватските гости ги истакнуваат одлична храна и љубезноста на домаќините, а по неколкудневен престој и задоволството од снежната покривка што ја има на Пониква и можноста да се скијаат и санкаат.
Учениците ги посети градоначалникот на Општина Кочани Николчо Илијев, на кого можеа да му ги пренесат впечатоците од престојот на Пониква.
Зимувањето на дел од најдобрите ученици од Крижевци го обезбедува Општина Кочани. Тоа е дел од соработката меѓу двата збратимени града, воспоставена во средината на осумдесеттите години. Градот Крижевци, пак, пак им овозможува летување на островот Паг на учениците на генерацијата од осумте училишта од Кочани.

 

Оценете ја оваа вест
(0 гласови)

ОПШТИ ОДРЕДБИ

Радио Кочани ФМ емитува сопствена програма, која според одредбите од Правилникот за форматите од радио и телевизиските програмски сервиси (застапеност на говорниот дел) спаѓа во редот на говорно-музичко радио со претежно информативен општ формат.