Градоначалникот Илијев на средба со претставници од граѓанскиот сектор

14 Сеп 2018
199 пати

Со цел да зајакне соработката со невладиниот сектор, градоначалникот на Општина Кочани, Николчо Илијев одржа средба со претставници

на кочански здруженија.
– Граѓанскиот сектор е една од значајните алки во функционирањето на локалната заедница. Сметаме дека таа соработка треба да се засили, заради придобивките од јавен интерес – рече на средбата градоначалникот Илијев.
Претставниците на невладините организации ги истакнаа потребите од позасилена комуникација со Општината: од заеднички простории за работа и подобра комуникација меѓу здруженијата, координација при аплицирањето на проектите, одговорно лице од единицата за локална самоуправа за соработка со невладиниот сектор и фонд за поддршка при поднесување проекти од Програмата за прекугранична соработка.
Илијев изрази подготвеност за решавање на овие прашања како и за креирање проекти со вклучување на пошироката локална заедница.
На средбата со градоначалникот беше разговарано и за важноста на актуелниот момент со референдумот за приклучување на Македонија кон Европската Унија. Присутните го истакнаа значењето на европските фондови и пари како можност за реализација на многу граѓански иницијативи и проекти.

Оценете ја оваа вест
(0 гласови)

ОПШТИ ОДРЕДБИ

Радио Кочани ФМ емитува сопствена програма, која според одредбите од Правилникот за форматите од радио и телевизиските програмски сервиси (застапеност на говорниот дел) спаѓа во редот на говорно-музичко радио со претежно информативен општ формат.