Хармс во изведба на „Kunstwerkstatt“ од МОФ

31 Мај 2017
237 пати

Членовите на Младинскиот образовен форум од Скопје, односно на нивниот театар „Kunstwerkstatt“, синоќа ја одиграа претставата „Илустрации за тоа како идејата

го запрепастува човекот кој не е спремен за тоа“ со многу динамика, многу движења, многу енергија и без речиси никакви реквизите на сцената. И пак делуваа моќно. Таков беше впечатокот откако се се заврши, а публиката актерите аматери ги награди со силен аплауз.
На разговорите после настапот на сцената во ЦК „Бели мугри“, момчињата и девојките од МОФ, добија пофалби за својот настап. Текст за оваа изведба на „Kunstwerkstatt“ е на Даниел Хармс, кој е навистина тешко да се игра, велат познавачите на театарот.
Повеќето од актерите во оваа претстава се студенти, но ниту еден на Академија на драмски уметности. Режијата е заедничка, на Наталија Теодосиева, и на Јаков Спасов.
„Не знам што да кажам, генерално јас сум инспирирана од Хармс уште кога бев на Академија. Го истражував, го работев Хармс како студент добри три-четири пати. Фасцинирана сум од работата и инаетот на Даниел Хармс како и покрај сите саботирања што ги доживеал, тој сепак продолжува да креира. И тоа го прави онака какошто тој самиот знае да го прави. И затоа и ќе си плати на крајот со својот живот. Претставата што ја одигравме вечерва беше токму тоа – дека ние никогаш нема да престанеме да се бориме. Секогаш се се врти во круг, пак и пак, и повторно ќе се најде некој кој ќе не обвини за истото, можеби ќе не повреди, ќе не прати во лудница (како што тоа му се случило на Хармс), затвор. Но,секогаш вистинскиот човек ќе оживее на еден или друг начин, преку делата или пак ќе воскресне“, појасни, во случајов режисерката (инаку професионален актер), Наталија Теодосиева, зборувајќи за рускиот контроверезен автор Данил Хармс и за тоа како е направен изборот на текстот и самата претстава.

Оценете ја оваа вест
(0 гласови)

ОПШТИ ОДРЕДБИ

Радио Кочани ФМ емитува сопствена програма, која според одредбите од Правилникот за форматите од радио и телевизиските програмски сервиси (застапеност на говорниот дел) спаѓа во редот на говорно-музичко радио со претежно информативен општ формат.