Треба ли 2 јануари повторно да биде неработен ден?

03 Јан 2018
66 пати

Ако некој има што силно посакува 2 јануари да биде неработен ден тоа се работниците. 

Сигурно барем една личност сте слушнале оваа година да каже: ех, што убаво би било кога повторно 2-ри би бил неработен да имаме уште еден ден споен за празниците. Нели?
Како и да е, можеби ова догодина ќе биде реалност, барем според она што го најавуваат од Министерството за труд и социјална политика по бројните зебелшки на граѓаните.
Се најавува преиспитување на Законот за празници и надлежните ќе бараат мислење и од работниците и од работодавачите.
„Работодавачите често укажуваат дека има многу празници. За да може да се пристапи кон какво било решение, ќе треба прашањето да се отвори и да се разговара со претставници на работодавачите и претставници на работниците и, секако, да се разгледаат меѓународните искуства за бројот на неработни денови. Потоа ќе може да се пристапи кон предлог во кој ќе се согледа и можноста дали 2 јануари да се смета како неработен ден“, посочуваат од Министерството за труд и социјална политика.
2 јануари работен ден стана во 2007 година кога беше изменет а беа додадени низа други празници за неработни денови.
Што мислите вие дали овој ден повторно треба да биде неработен, а да се укинат други празници и кои според вас?
Одговорите на ова прашање можете да ни ги испратите на нашата fb страница Radio Kocani, или на radiokocani.mk

Оценете ја оваа вест
(0 гласови)

ОПШТИ ОДРЕДБИ

Радио Кочани ФМ емитува сопствена програма, која според одредбите од Правилникот за форматите од радио и телевизиските програмски сервиси (застапеност на говорниот дел) спаѓа во редот на говорно-музичко радио со претежно информативен општ формат.